Pag-abi ug pagdawat

Nahimong kabahin sa atong kultura nga moabiani ug modawat gyud og mga bisita diha sa atong tagsa tagsaka mga panimalay.

Usahay gani bisan kun kuwang pa ang atong gikaon dili kita mahadlok nga modapit:

“Maniudto ta! Hapit sa kay mag snacks ta ug uban pang mga pagtimbaya.

Kini tungod kay matud pa kitang mga Pilipino Welcoming Community, bisan dili nato kaila panahon sa piyesta ato man silang dapiton aron makaambit sa atong giandam nga pagkaon.

Sa Unang Dominggo sa Adbiyento sunod bulan pagaablihan ang laing hugna Synodality ug ang tema niini mao man ang Welcoming Church., kay lagi humana naman ang Listening Church.

Ang simbahan daw sama sa usa ka ganghaan nga angayang buksan alang kanila nga buot mopasilong niini.

Apan sa maong pagpasilong wala man kini magpasabot nga ang mopasilong makabuot lamang sa paagi nga sila mopasilong.

Sa ato pa, kinahanglang dunay reglamento nga angayang sundon.

Kay pasagdan ang matag usa nga mopasilong, mamahimong gubot ang mahitabo ug adunay dako kaayong kalandrakas nga mahimong moresulta sa pagkagun-ob sa gipasilongan.

Diha sa atong pag-abiabi isip simbahan atong hinumdoman nga mahimong mahatag ang pagtahud sa atong gidawat nga mga tawo ug pundok sa walay pag-uyon sa ilang ideolohiya.

Dili kay isakripisyo nato ang atong baruganan o dili ba doktrina aron mogawas kunohay kitang maabi abihon.

Anaa ang pagtahud apan wala kini magpasabot og pag-uyon sa bakak aron tabonan ang bisan unsa nga matuod.