Gustong pabutangan og Middle Name ang Birth Certificate

Dear Atty. Divine,

Duna koy pangutana labot sa birth certificate sa akong anak nga walay middle name. Kasal mi sa amahan sa akong anak, apan walay entry sa middle name sa bata ang iyang birth certificate, ang akong pangutana kun mamahimo bang among pakurihian ang iyang birth certificate og pabuntanga og middle name? Daghang salamat.

Reah

* * *

Dear Reah,

Yes, mamahimo nga imong ipadugang ang middle name nga wa mabutang sa birth certificate sa imong anak pinaagi sa pag-file og Supplemental Report ngadto sa Local Civil Registrar diin marehistro ang bata. Kinahanglan sab nga mo submit ka og dili mominus duha ka dokumento nga adunay entry sa middle name sa bata sama sa school records, baptismal certificates og medical records. Mas maayo nga mobisita ka sa Local Civil Registrar og mangayo kanila og kopya sa Supplemental Report nga maoy imong sundon. Once ma-submit kini nimo sa Local Civil Registrar or ilang ma-process, ila sab kining i-forward sa Philippine Statistics Authority aron ma annotate sa iyang original birth certificate og pa isyuhan siya og updated birth certificate. Thank you and God Bless!

Atty. Divine

* * *

Alang sa inyong pangutana, palihug lang sa pag-email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.