ARM

Niadtong Dominggo gihisgotan ug gipamalandongan ang mahitungod sa mga saop nga gawas nga nagdumili nga mohatag sa bahin sa abot ngadto sa tag-iya sa parasan, nakaako pa gyud sila pagdagmal sa mga ulipon nga gipadala niini. Ang nakadaut mao nga wala makalihay ang anak sa agalon nga maoy manununod unta sa maong parasan.

Pila may sugilanon napatay gyud kini. Butang nga nakahaling sa tumang kasuko sa tag-iya busa gipamatay ang mga tampalasan ug gipasaopan og lain ang maong parasan sa mga tawo nga makahatag og hustong bahin sa higayon nga gimbut-an.

Usahay sa atong kinabuhi nahisama kita sa mga saop nga nagdumili sa paghatag sa mga maayong buhat ngadto sa Dios. Gikinahanglan nato ang ARM

A kun Awareness sa mga gasa nga gipiyal kanato sa Dios. Giunsa man nato kini paggamit? O nawaldas ba hinuon nato kini?

R kun Repentance human kita masayod sa atong pagka mausikon atong himoon ang pagpangayo og pasaylo human niini atong I repair o ayohon ang bisan unsang kadaut nga atong nahimo.

M kun Mission. Bisan pa man kun duna kitay kasaypanan apan dili kini babag aron mamahimo kitang mapuslanon alang sa Gingharian sa Dios. Sa ato pa, matag usa nato dunay pulos ug katuyoan ning kalibotan.