Inherited property

Dear Atty. Divine,

Duna koy pangutana labot sa property nga among na inherit  gikan sa  among ginikanan. Tulo mi ka magsuon ug ang gidak-on sa yuta 2 hectares nga dunay mga  tanum nga lubi. Ang among usa ka igsuon maoy nagtikad niini ug karon gusto niyang paliton og 150,000.00.  Apan ang akong usa ka igsuon og ako, way plano nga mobaligya sa among shares. Ang akong pangutana kun mapugos ba mi sa among igsuon sa pagbaligya sa among bahin ngadto kaniya?  Daghang salamat.

Leo

* * *

Dear Leo,

Isip mga co-owners sa property pareho mo nga adunay katungod sa kabilin nga inyong na inherit. Ug tungod kay co-owners kamo aduna moy katungod  nga mo-decide kun unsaon ninyo ang inyong bahin, ibaligya ba or dili.

Apan sa inyo nga kaso, wa moy planong mobaligya sa inyong bahin bisan pa kun ang inyong igsuon ra ang mopalit niini. Busa di kapugos ang inyong igsuon sa pagpalit niini kun wa moy planong mobaligya sa inyong mga shares. Ang maayo ninyong buhaton, inyong estoryahon  ug inyong isugyot kaniya nga bahinon ang property in equal share.

Daghang salamat.

Atty. Divine

* * *

Alang sa inyong pangutana, palihug lang sa pag email sa flores_ divina@ yahoo.com ug akong tubagon ang inyong pangutana pinaagi  sa akong column matag Miyerkules,  Sabado ug Domingo.