On and Off nga Child support

Dear Atty. Divine,

Aduna koy duha ka anak apan nagbuwag mi sa akong bana sud na sa duha ka tuig. Ang akong problema kay dili consistent ang financial support nga ihatag sa akong ex-husband sa among mga anak. Kuwangon gyud kun ang akong income lang ang saligan ilabi na karong panahon sa tingklase tungod sa bawon, og tuition sa mga bata. Unsay akong buhaton aron mamahimong on time ug regular na ang child support gikan sa amahan sa akong mga anak?

Daghang salamat. —Elvie

Dear Elvie,

Basi sa atong balaod, ang amahan sa mga bata obligado gyud nga mosuporta sa mga anak. Busa kun ang imong bana dili regular nga nagsuporta sa imong mga anak, aduna gyud kay basihan nga modangop sa Korte. Apan sa dili pa ka modangop sa Korte, mas maayo nga imo una siyang estoryahon labot sa panginahanglan sa mga bata ug kalabot sa inyong binuwan nga expenses ug inyong sabutan kun pila dapat ang iyang ihatag nga suporta matag buwan ug kun unsang petsaha kini niya dapat itunol matag buwan. Kun dili siya madala og estorya, then mamahimo ka nga modangop og abogado aron sa pagpadala og demand letter ngadto sa imong bana. Kun di gihapon siya motuman sa paghatag sa suporta matag buwan, ang last nimong option mao ang pagfile og Petition for Child Support ngadto sa Korte. Kun aduna nay Court Order, mapugos gyud siya sa pagtuman sa iyang monthly financial support sa inyong mga anak. Thank you and God bless. Atty. Divine

* * *

Alang sa inyong pangutana, palihug lang sa pag-email [email protected] akong tubagon ang inyong pangutana, pinaagi sa akong column matag Miyerkules, Sabado ug Domingo.