Numero uno

Gisaway ni Bise Mayor Tomas Osmeña si Mayor Nestor Archival sa dakbayan aa Sugbo ug gihulagway niini nga numero uno nga violator sa gipatuman nga discipline zone sa Banilad-Talamban nga dalan.

Giingon ni Osmeña nga ang pagpasunod sa Banilad-Talamban zone kinahanglan nga magsugod sa taas, ni Mayor Archival mismo apan siya ang numero uno nga naglapas. Wala ko nakatuhog nganong gitawag ni  Osmeña nga numero uno nga violator si Mayor Nestor Archival.  Pero murag may kalambigitan kini sa motorcycle escort sa mayor.

Kun si Archival numero uno nga violator, si Osmeña maingon usab nato nga numero uno nga hinawayon ngadto sa Mayor.

Maayo pa kaha ang relasyon sa mayor ug bise mayor? Miingon ang akong amigo nga naa sa circulo sa Mayor nga magkuyog ra man gihapon kuno sila sa mayor ug bise mayor nga mag-inom ug maayo ra gihapon ang relasyon sa duha.

Pero dili lang kaha plinastikay ang gipakita sa mayor ug bise mayor?

Atong atangan unsay mahitabo sa unahan sa relasyon sa duha ka tag-as nga opisyal sa dakbayan sa Sugbo. Atangi.