Diha sa Pag-atiman

Basaha; Mk. 12;31

Nagdako kita nga kinahanglang mo compete sa bisan unsang mga butang. Gikan sa tunghaan hasata na gani diha sa patigayon ug trabahoan.

Gikinahanglan nga dunay mo stand out sa tanang mga binuhatan.

Tungod niining maong kultura usahay nakalimot kita nga dunay ubang mga tawo nga nagpalibot kanato ug nagkinahanglan.

Ang mahinungdanon ang atong kaugalingon. Wala kitay pagpakabana sa uban butangnga nisalamin sa ato usab nga pagpasagad sa atong kaugalingon.

Buot kita mohimo ug higugmaon segun sa atong mahimo ug dili tungod sa atong bili isip nga tawo. Kun wala kitay pag-atiman sa uban possible ba kaha nga wala usab kitay pag-atiman sa atong kaugalingon.

Dili man gud nato mahatag ngadto sa uban ang bisan unsa nga wala nato mahupti. Mao nga nahimo kitang mapasagaron, rigid ug sa tagalog pa manhid. Kini tungod kay mao kini ang atong gitisok sa atong mga hunahuna ug kasingkasing.

Gikinahanglan nato ang Culture of Care ning mga panahona karon.

Gikinahanglan nato ang pag-atiman sa atong kaugalingon aron dili ma burn out.

Gikinahangln nato ang pag-atiman sa atong kalag aron dili kini malaglag. Gikinahanglan natoa ng pag-atiman sa atong mga kabataan aron magdako silang mahigugmaon ug manggihunahunaon.

Gikinahanglan natong atimanon ang planeta ingon man ang kalikupan kay ato man kining pinuy-anan. Atong atimanon ang atong isigkaingon aron sila sa panghinaut moatiman usab sa uban.

Diha sa pag-atiman ato untang maisip nga paagi kini aron makasinati ang tanan nga bililhon ang matag usa.

Kun ang matag usa nakaalinggat nga bililhon ug mahinungdan dili lang sila kondili ang tanan, anaa unta ang pagtahud ingon man ang pagpakabana. Apan lahi ang gipakita sa atong katilingban.

Bililhon ang anaa sa taas ug wala kaayo matagad ang anaa sa ubos.

Unta kining tanan dili lamang kutob sa papel ug pamalandong mamahimo unta kining kamatuoran ug kasinatian nga matagamtaman alang sa tanan.