Pastor inambus ng tandem, todas!

MANILA, Philippines — Bulagta ang isang pastor na miyembro ng isang tribo habang sugatan ang kasama nito makaraan silang tamba­ngan at paulanan ng bala ng riding-in-tandem sa San Francisco, Agusan del Sur, ayon sa ulat ng pulisya kahapon.

Kinilala ang nasawi na si Balvino Andaya, 61-anyos, pastor ng Risen Christ Community Church; na nagtamo ng mga tama ng bala sa iba’t ibang bahagi ng katawan habang ang sugatan ay si Avelino Cajandig, 59, kasapi ng Banwaon Manobo Talaandig Tribal Council (BAMATa-TC).

Sa report ng Agusan del Sur Police, nangyari ang pananambang sa mga biktima sa kahabaan ng highway ng Brgy. del Monte, Talacogon, Agusan del Sur nitong nakalipas na ­linggo. Lulan ang mga biktima ng isang Mitsubishi Montero Sport na galing sa Brgy. del ­Monte, Talacogon, Agudan del Sur nang sundan at pagbabarilin ng mga armadong salarin pagsapit sa nasabing lugar.

Bunga nito, nagpagewang-gewang ang takbo ng behikulo ng mga biktima sa kalsada hanggang sa sumalpok ito sa tabi ng isang sari-sari store habang mabilis namang nagsitakas ang mga salarin.

Kaugnay nito, ipinag-utos na ni Police Regional Office (PRO) 13 director P/Brig. Gen. Marcial Mariano Magistrado IV ang masusing imbestigasyon sa kasong ito upang matukoy ang motibo ng krimen at masakote ang mga salarin.