D'Generals Basketball Season 4 moarangkada na
CEBU, Philippines — Ang D’Generals Basketball Club Season 4:“Camaraderie Cup” mosikad na karong adlawa (Domingo, Agosto 2) uban ang upat ka duwa sa Aulga City Sports sa Barangay Lawaan II, dakbayan sa Talisay.
Sa alas 5:30 sa hapon nga pasiunang duwa, ang Rise Up ni Vince Caballero makigharong sa Mix Hoopers ni Ariel Desierto.
Pagasundan kini sa sangka tali sa Still&Motion ni Cyni Esconde ug Gunners ni Andrei Reyes sa alas 6:30 sa gabii.
Ang Lightsout ni Brylle Sanchez mosakbang batok sa Iron Bulls ni Gilbert Ofianga sa ikatulong duwa nga gikatakda sa alas 7:30 sa gabii.
Motak-op sa kulbahinam nga mga aksiyon mao ang engkwentro tali sa Go Hard ni Feljun Cebes ug Blitz ni Jay-R Caballero sa alas 8:30 sa gabii.
Sa kinatibuk-an, 10 ka teams ang mag-ilog sa korona. Gibahin sila sa duha ka grupo diin ang Top 4 matag bracket human sa single round robin nga eliminasyon moabante sa quarterfinals.
Ang mga mananaog motikang sa semifinals ug dayon sa finals, nga parehong tinagakay nga mga duwa.
- Latest
