2 estudyante natupok sa sunog
MANILA, Philippines — Dalawang estudyante ang nasawi habang isa ang nasugatan matapos hindi makalabas sa nasusunog nilang boarding house sa Purok 1, Sitio Pag-Asa, Brgy. Rawis, Legazpi City, Albay, kamakalawa ng madaling araw.
Kinilala ang mga nasawi na sina alyas “Jer”, residente ng Brgy. Tablak, Matnog, Sorsogon; at alyas “Willy”, ng Masbate City, Masbate dahil sa tinamong 2nd degree burn. Ang nasugatan ay si alyas “Jan”, 18-anyos, residente ng Brgy. Rawis, Libon, Albay na kapwa mga estudyante ng Mariners Polytechnic Colleges Foundation-Legazpi City.
Sa ulat, ala-1:48 ng madaling araw nang magliyab ang katabing isang law office at tatlong kotseng nakaparada.
Mabilis na kumalat ang apoy at nadamay ang tinutuluyang boarding house ng mga biktima na nasa kasarapan nang tulog.
Nagising ang mga ito sa init at ingay ng mga ka-boardmates, subalit dahil sa malaki na ang apoy ay hindi agad nakalabas ang dalawa.
Sa retrieval operation ay natagpuan ang mga biktima sa loob nang nasunog na bahay na walang malay at agarang isinugod sa pagamutan pero ideneklarang dead-on-arrival ang dalawa.
Faulty wiring ang tinitingnan ng BFP na naging sanhi ng sunog.
- Latest
