SONA

Unsa kaha ang itaho ni Presidente Bongbong Marcos Jr. sa iyang ikalima nga State of the Nation Address?

Ako ning gipangotana tungod kay wala pa magsugod ang Presidente sa iyang SONA sa pagsuwat nako ning maong lindog.

Wala pa gyod tay kompleto nga idea kun unsa ang ipanulti sa Presidente sa iyang SONA pero iyang giingon nga dili taas ug dili pod mobo ang iyang SONA.

Giingon ni Atty. Claire Castro nga magsentro ang SONA sa Klaro nga direksiyon sa administrasyong Marcos sa nahabilin nga tuig sa iyang termino.

Sa pangutana sa mga tigbalita ngadto sa Presidente unsa ang mapaabot sa katawhan sa iyang SONA, ang iyang tubag: atangi.

Sa wala pa ang adlaw sa SONA sa Presidente, mipagawas og wish list ang mga magpapatigayon nga magpalambo sa ilang negosyo ug ekonomiya.

Gusto nga mahibaw-an sa mga magpapatigayon ang plano sa administrasyong Marcos sa sektor sa mga mamumuo nga gikompetensiyahan karon sa artificial intelligence ug mga makina.

Ang buhaton sa administrasyon sa sektor sa mga maguuma nga gisungog sa el nino. Unsay buhaton sa administrasyon sa mga negosyante nga apektado sa

Gubat sa gawas sa nasud.

Sa miaging tuig nga SONA giingon sa Presidente ngadto sa mga magbabalaud nga "mahiya naman kayo." Karon nga SONA, unsa kaha ang isulti sa Presidente?

Siya na pud kaha ang moingon nga nahiya na rin siya o ba kaha iyang sultian ang mga magbabalaud nga tayong lahat mga walang hiya?

Unsa na pud kaha ang ipamotbot sa Presidente? Atangi!