EASL future champions tournament Team Cebu City misakmit sa makasaysayanong korona

CEBU, Philippines — Ang mga masaarong basketbolista sa dakbayan sa Sugbo mibuntog sa Macau, 61-52, aron pagkulit og kasaysayan isip labing unang kampiyon sa East Asia Super League (EASL) Future Champions Basketball Tournament niadtong Sabado, Hulyo 25, didto sa Kai Tak Sports Park sa Hong Kong.

Si Kent Luther Labitad gikan sa Barangay Ermita maoy nangu sa Team Cebu City pagsakmit sa gihandum nilang titulo uban ang 22 puntos, lima ka rebounds ug tulo ka assists hinungdan nga gipasidunggan siyang Most Valuable Player. Ang krusyal niyang 3-pointer maoy mipasilaob sa panapos sa duwa nga 8-1 rally nga nakasalbar sa Cebu human nakasikit ang Macau sa iskor nga 51-53.

Si Labitad giduyogan sa Mythical 5 sa teammate niyang si Venz Luiz Nadela sa Barangay Sambag 2, nga mikadlit og double-double nga 15 puntos ug 16 ka rebounds ubam ang usa ka assist ug usa ka steal sa final match.

Sila si Labitad ug Nadela kauban silang Dereck William Wencesalao sa Barangay Tisa, ug Dwyane James Rojo ug Domenic De Asis sa Barangay Labangon naglangkob sab sa All Stars nga mobyahe sa Okinawa, Japan sunod bulan aron mag-training uban sa Ryukyu Golden Kings ug moduwa batok sa lain pang Asian teams.

"We are truly grateful to the EASL for partnering with the Cebu City Government through the Cebu City Sports Commission, and to Mayor Nestor Archival for supporting this grassroots program and giving kids from different barangays in Cebu City the opportunity to be discovered and compete on the international stage," matud pa ni CCSC Chairman Dr. Rhoel Dejaño. "From more than 200 hopefuls, we selected the top 10 to represent Cebu City in Hong Kong. They competed against international teams and made history by winning the inaugural championship," dugag pa ni Dejaño.

"This journey was especially meaningful because, for many of these young athletes, it was their first time traveling outside the Philippines."

Si Dejaño nagpasalamat sa mga coaches sa ilang dedikasyon sa programa, sa mga ginikanan sa hugot nilang suporta ug sa mga tunghaan nga mihatag og scholarships sa mga players.

"Most of all, thank you to our players for your hard work, discipline, and determination. You represented Cebu City with pride and showed that dreams can come true when given the opportunity," dason pa ni Dejano. "This championship is a reminder of what can be achieved when a community comes together to invest in its youth. Thank you to everyone who made this unforgettable journey possible," panapos pa ni Dejaño.