Na-bullseye

Gipresentar sa prosecution si NBI Director Melbin Matibag isip ilang ikatulo nga testigo o saksi sa ikatulo nga basihanan sa kasong impeachment batok ni Bise Presidente Sara Duterte nga mao ang Grave threat.

Si Matibag miingon nga dili lang hulga sa pagpatay ni Presidente Bongbong Marcos Jr. (PBBM), Unang Ginang Liza Araneta Marcos (LAM) ug kanhi House Speaker Martin Romualdez (MR) ang gilitok niini atol sa iyang online press conference kun dili plano nga pagpatay.

Apan giangkon ni Matibag nga wala pay resulta ang gihimong imbestigasyon sa iyang giumol nga task force pero anaa na silay person of intetest nga gipanidan.

Sa pangutana ni Senator-judge Win Gatchalian kun kanus-a mahuman ang imbestigasyon sa task force, ang tubag sa Director anaa sa unom ka buwan.

Sa cross examination ni Atty. Mark Vinluan sa Depensa ngadto kang Matibag, iya kining gipangutana kun ang mga pulong nga iyang giluwatan ngadto ni Mel Sabio nga nag-viral sa social media (i-report mo dahil, pagpinatay kita walang ebidensiya) makonsidedrar ba kini nga usa ka pagbuhagay sa grabing emosyon tungod sa sobrang kasuko ug kadismaya.

Ang tubag ni Matibag “Yes.” Ang punto sa depensa, kun ang pulong nga migawas sa baba ni Matibag usa ka pagbuhagay sa emosyon tungod sa iyang sobra nga kasuko ug kadismaya ngadto ni Mel Sabio, nganong iya man nga gikonsiderar nga grave threat ang susamang pulong nga migawas sa baba sa bise presidente nga nag-ingon nga may gikaistorya na siya nga tawo nga iyang gisultian nga kun patyon siya, iya usab nga ipapatay si PBBM, LAM ug MR.

Na-bullseye si Melbin Matibag. Ang pasabog nga testigo sa prosecution batok sa bise presidente, didto miboto batok nila.