PPP ni PBBM

Ubos sa strategic Government Public Private Partnership nga usa ka government privatization program, gipamaligya sa gobiyerno ang mga assets niini. Ning administrasyon ni Presidente Bongbong Marcos Jr. ubay-ubay na nga assets sa gobiyerno ang iyang gipamaligya sama sa NAIA-Ninoy Aquino International Airport nga usa ka transportation infrastructure asset o transport utility operation nga gibaligya sa administrasyong Marcos niadtkng tuig 2024 ngadto sa San Miguel Corporation ug subcompany consortium kauban ang RMM Asian Logistics, RLW Aviation Development ug South Korea Incheon International Airport Corporation sa kantidad nga P170.6 ka bilyon nga naglakip sa P30 bilyones nga bayad dayon nga cash ingon man fixed annuity cost nga P2 ka bilyon matag tuig.

Laing asset sa gobiyerno nga gibaligya sa administrasyong Marcos Jr. niadtong miaging tuig 2025 mao ang CBK-Caliraya Botocan Kalayaan Hydroelectric Power Plant Complex usa ka Energy Infrastructure Asset, usa ka 797 Megawatt Hydro Plant Complex nga nahimutang sa Laguna. Gibaligya kini ngadto sa Thunder Consortium nga gilangkoban sa Aboitiz Renewable Incorporated ug Japan Sumitomo Corporation and Electric Power Development Company Limited ug G Power sa kantidad nga P36.27 bilyones.

Gibaligya usab ang Nunok Mining Industrial Corporation nga usa ka mining asset ngadto sa private developers sa kantidad nga P1.64 bilyones nga may cumulative annual payments nga gikolekta sa gobiyerno in individual remittances sa kantidad nga P294 milyones sa tuig 2024, P738 milyones sa tuig 2025 ug dakong lump sum remittance nga nagkantidad og P606 milyones niadtong Abril ning tuig 2026.

Gibaligya usab sa administrasyong Marcos Jr. ang 25 ka tonelada nga reserbang bulawan sa Pilipinas sa kantidad nfa P129 bilyones.

Sa miaging adlaw nagpahibawo ang administrasyong Marcos Jr. nga mangotang kini sa merkado sa kalibotan aron ipundo sa P6.793 trilyones nga budget.

Basi sa Bureau of Treasury as of Abril 30, 2026 ang Pilipinas aduna nay P18.47 trilyones nga utang sa sulod ug gawas sa nasud diin P12.67 trilyon ang utsng sa sulod ug P5.80 trilyones ang utang sa gawas.

Sa sumada sa Bureau of Treasury gipakita nga sa tuig 2016-2022 sa administrasyong Duterte ang Pilipinas aduna kini total accumulated nga utang nga nagkantidad og P12.79 trilyones. Kay accumulated buot ipasabot gikan pa kini sa administrasyon nga nasundan ni Duterte. Giklaro sa Bureau of Treasury nga ang administrasyong Duterte nakapangotang lamang og P6.84 trilyones.

Daghan og giutang ang administrasyong Marcos Jr. unya karon mangutang napod. Dako ang akong kabalaka sa bagong utangon kay basin isulod napod ni nila sa maleta ug bahin-bahinon. Dili ra ba ning administrasyong Marcos magpaimbestigar kay kun may mag imbestigar ila dayong pauwanan og kaso.

Sa laing bahin nahurot na diay ang halin sa gobiyerno sa asset nga iyang gipamaligya maong mangotang napod?

Ang Pilipinas gidumala karon og PPP-President Pamaligya Pangutang.