Giatangan gipusil, naangol

CEBU, Philippines — Usa ka 36 anyos nga lalaki ang naangol human gipusil sa wala mailhing armado samtang siya  naglakaw sa Carlock Street, Barangay San Nicolas, Cebu City, pasado alas dose sa kadlawon adlaw nga Sabado.

Ang biktima giila nga si alyas "Alex ".nagpuyo sa maong barangay. Sumala pa sa inisyal nga imbestigasyon sa kapulisan, nagpaabot ang suspek diha sa daplin sa dalan ug dihang naabot na kini diretso niining gipusil ang biktima gamit ang .45 kalibreng pistola.

Human sa pagpamusil, midagan ang suspek ug daling mi sakay sa motorsiklo padulong sa C. Padilla Street. Ang biktima nakaangkon og mga samad pinusilan sa lawas ug gidala dayon sa ospital aron matambalan.

Samtang ang Scene of Crime Operatives (( SOCO) nakarekober og pito ka kabhang og duha ka slug sa kalibre 45 nga pistola. Padayon ang imbestigasyon sa kapulisan, lakip ang pagtan-aw sa mga CCTV footage sa maong lugar, aron mailhan ang suspek ug matino ang motibo sa pagpamusil. (BANAT NEWS)