Tay-og sa yuta

Dili pa lang dugay nahitabo didto sa Mindanao ang sunodsunod nga pagtay-og sa linog. Niuyog ang yuta. Dunay natala nga mga naangol ug nangamatay.  Guba ang mga buildings ug nalumoag ang mga pangandoy.

Nunot usab niini ang nahitabo nga kamatayon sa mga basketbolista nga sila si Rene Bartebonia ug Divine Adili. Nga nakatay-og dilis a yuta kondili sa mga pagbati ug emosyon sa kadaghanan.

Wala pay labot sa kalibog karon sa gobiyerno kun unsay hatagan og igong pagtagad ang impeachment ba o ang flood control scandal.

Butang nga nakapatay-og dili lamang sa yuta kondili sa pangisip sa kadaghanan kanato.  Haguka dili lang ang atong yuta kondili ang atong nasud usab.

Kining mga butanga bisan pa man kun sakit palandungon ang makahatag sa matag usa kanato og pagkahimatngon nga dinhi sa kalibutan walay bisan usa nga permanente ang tanan lumalabay ra gyud. Mahiong ang tanan mahulipan.

Ang katalagman ug pagsulay kahigayonan sa pagpalig-on sa atong kaugalingon. Ning paagiha nahimo kitang mas makakita nga luyo sa kalisud anaa ang paglaum.

 Kun adunay mamatay adunay mahimugso lakip na usab niini ang atong mga paglaum alang sa mas maayo nga kaugmaon.