Daghan ang anihonon

Gibati og tumang kaluoy si Jesus ngadto katawhan kay sama man sila sa mga karnero nga walay magbalantay. Busa niingon siya sa iyang mga tinun-an: Pag-ampo kamo ngadto sa tag-iya sa anihon aron mopadala siya og dugang pang mga mamumuo nga moani niini. Nakahatag kamo nga way bayad busa panghatag usab kamo nga way pagpangayo og bayad.

Kasinatian

Karong mga panahona dako kaayo ang atong panginahanglan og mga balaang mga kaparian ug mga relihiyoso nga moatiman sa atong mga panginahanglang espirituhanon. Kining maong panginahanglan nagkinahanglan og grasya sa Dios nga bisan pa man sa daghangmga kahuyangan o eskandalo sa simbahan kita unta mamahimong maningkamot diha sa pagkugi ug pag-ampo diha sa atong pagtuwaw: Ginoo magpadala ka unta og mga balaang mga apostoles sa imong simbahan.

Lihok

Karong semanaha gidapit kita aron mag-ampo alang sa mga bokasyon. Motabang kanila nga anaa na sa mga houses of formation pinaagi sa atong mga espirituhanong tampo ug hinabang materyal usab.

Pangamuyo

Ang tawag sa atong Ginoo

Ang tawag sa atong Ginoo tubagon unta sa pagtuo

Maghiusa kita nga malaumon ang Ginoo makagagahum

Ang tawag larawan sa gugma maoy hagit sa tagsa tagsa

Gitawag ta sa pag-alagad sa tiunay nga paghalad

Pagkadaghan sa anihonon pagkanihit sa mangagani karon

Hatagan unta kita sa Ginoo ug daghang mamumuo

Ug sangpiton ta si Maria Inahan nato sa kanunay

Maghiusa kita uban kaniya

Magmalig-on kita sa gugma

Kay ania man sa kamot ta ang paglaum sa tagsa tagsa

Gitawag ta sa pag-alagad, sa tiunay tang paghalad

Pagkadaghan sa anihonon, pagkanihit sa mangagani karon

Hatagan unta kita sa Ginoo ug daghang mamumuo.