Holy Spirit come
Mayo 24, 2026: DOMINGO SA PENTEKOSTES
Mga Pagbasa: Buh. 2;1-11/
Sal. 104/1 Cor. 12;3-7,12-13/Jn. 20;19-23
Kahinumdom pa ako kaniadto nga panahon sa mga prayer meeting awiton gyud dayon ning kantaha.
Ang maong kanta nagkanayon:
“Holy Spirit Come, make my ears to hear. Make my eyes to see, make my mouth to speak, make my heart to feel…” Ingon ana ang Balaang Espiritu blowing kun asa niya buot.
Ang pulong Espiritu gikan man sa mga pulong Griyego ug Hebreo.
Sa Griyego gitawag kini og Pneumah ug sa Hebreo Ruah nga dunay emphasis breathing kun gininhawa.
Nga sa ato pa ang Espiritu principle of Life. Kun wala ang Balaang Espiritu walay kinabuhi ang atong panaw.
Ning atong pagsaulog sa Pentekostes kun (he pentekoste hemera) kun on the 50th Day diin usa kini ka Agricultural Feast alang sa mga Judio diin nikunsad ang Balaang Espiritu ngadto sa mga magtutuo kuyog ang Mahal nga Inahan.
Ning paagiha nabubo ang mga nagkadaiyang gasa nga gikinahanglan sa matag sumusunod. Mao nga ning panahona samtang nagtigom ang mga Charismatic movements nga kun buot hunahunaon kun maghisgot kita og charisma nagpasabot man kini og gasa. Ilang gisaulog ang mga gasa sa Espiritu Santo.
Ang pagsaulog nato sa Pentekostes mao man ang pag culminate nato sa Easter Season.
Balik na pud kita sa Ordinary Time. Mahimong hiposon napud ang Paschal Candle nga mahimong gamiton kun dunay bunyag o patay ba hinuon.
Hinaut unta nga ang pagkunsad sa Balaang Espiritu maoy makapahimo natong mahimugso pag-usab ingon nga mga tawo ingon nga katilingban ug simbahan.
Atong litokon kining mosunod nga mga pag-ampo:
Umanhi ka O Espiritu Santo, Pun-a sa Kalayo sa imong Gugma
Ang mga kasingkasing sa imong mga Alagad
Ug mamugna sila ug bag-ohon mo, ang dagway sa Yuta…..
- Latest
