Kuhaon ang control

Gustong kuhaon gikan ni Senate President Allan Peter Cayetano ang iyang position human niya kini makuha gikan ni Vicente Sotto III. Gitug-an ni Cayetano nga giagni ug nakadawat na og mga pagpanghulga ang iyang mga kauban sa bag-ong mayorya sa Senado aron motapon ngadto sa kampo nila ni Sotto ug bagong minorya. Sa pagsuwat nako ning maong lindog  atong gipaabot ang pag-abot na sa mga senador isip impeachment court ug ang pag-ilis ni Senate President Allan Peter Cayetano.

Kun ugaling makuha man sa kampo ni Sotto gikan ni Cayetano ang Senate presidency maingon nato nga mahaylo ug hadlokan na diay karon ang mga senador, gawas sa ilang pagkawalay baruganan ug maingon nato nga wala na silay kalainan sa mayorya sa mga kongresista nga hiniktan ang ilong sa Malakanyang.

Nganong kuhaon man g,yud gikan ni Senador Allan Peter Cayetano ang iyang posisyon isip Presidente sa Senado? Tungod ba kini sa kasong impeachment batok ni Bise Presidente Sara Duterte? Dili.

Ang impeachment batok sa bise presidente gihimo lamang kini nga salimbong sa tinuod nga rason nganong gustong kontrolahon sa Malakanyang ang Senado. Seguro nalakip sa rason ang impeachment batok sa bise presidente apan dili gayod kini ang pinakahinungdan kun dili ang pagpadayon sa imbestigasyon sa Blue Ribbon Committee sa kontrobersiyal nga flood control project ug budget insertion nga giundang sa tsirman niini nga si Senador Ping Lacson kansang imbestigasyom sigun sa gituohan sa uban nga gitumong aron matagoan ang kamatuoran ug dili aron palutawon ang kamatuoran.

Nakahinumdom pa mo sa dihang gisugdan na ni Senador Rodante Marcoleta nga maoy tsirman kaniadto sa Blue Ribbon Committee ug gipresentar ang kontrakto nga mga Discaya, di ba gi-coup d'etat si Senate President Chiz Escudero? Gitugan ni Senador Tito Sotto III nga sa wala pa sugdi sa Senate Blue Ribbon Committee gusto na nga pailisan niya ni Presidente Bongbong Marcos Jr. si Chiz Escudero ug siya ang miinsister ngadto ni PBBM nga dili lang una. Paaboton lang nga masugdan ang imbestigasyon sa Blue Ribbon Committee ug dayon gihulipan ni Sotto si Chiz Escudero.

Klaro ug tataw nga mas nahadlok ang Malakanyang sa mabulgar sa imbestigasyon sa Blue Ribbon Committee kun dili kini makontrolar kay sa impeachment ni Bise Presidente Sara Duterte.