Mamahimo bang ipaputol ang punu-an sa lubi?
Dear Atty. Divine,
Adunay kalubihan ang among mga ginikanan apan adunay uban niini nga wa na mamunga. Wa na sab kini maatiman human nasakit ang akong papa. Karon adunay interesadong mopalit sa mga punuan sa lubi nga wa na mamunga. Ang akong pangutana kon mamahimo ba namong ipaputol ang ubang punuan sa lubi? Daghang salamat.
Dodong
* * *
Dear Dodong,
Dili nimo basta- basta nga mapaputol ang maong punuan sa lubi kay basi sa Sec. 4 sa Coconut Preservation Act of 1995, kini nagkanayon nga dili mamahimong putlon ang punu-an sa lubi gawas lang kon kini 60 anyos na or wa na mamunga or hapit na matumba tungod sa bagyo or kon giconvert na ang classification sa yuta niini. Sa ato pa, dili ka basta-basta nga makaputol sa lubi kay magkinahanglan kini og permit . Ang maayo nimong buhaton mao ang pag identify sa mga punu-an nga karaan na, wa na mamunga or hapit na matumba aron mao ra kini ang imong ibaligya og ipaputol apan kinahanglan nga mokuha og permit sa dili pa kini ninyo putlon. Thank you and God bless.
Atty. Divine
* * *
Alang sa inyong pangutana, palihug lang sa pag-email sa [email protected] og akong tubagon ang inyong pangutana pinaagi sa inyong column matag Miyerkules, Sabado og Domingo.
- Latest
