“Fuente Osmeña to get major facelift”

Mao kini ang nagbuntaog nga heedline sa The Freeman sa niaigng Mayo 8 diin si Mayor Nestor Archival nakigtagbo sa kadagkuan Cebu Chamber of Commerce and Industry (CCCI) unsaon pagpatahom ug pagpaanindot sa makasaysayanon nga Fuente Osmeña Circle.

Maayo kay nakanahuna sila niini, nga sa dugay nang panahon gipasagdan lang. Gkinahanglan gayud ang participation sa private sector, sama sa PPP kon Public-Private Partnership, nga mao na karon ang nakapatukog og several infrastructures sa tibuok nasud.

Matud ni Archival, sa iyang panagtigom with CCCI, “This is not an ordinary meeting, this is about shaping a safer, more accessible, and more vibrant public space for every Cebuano.”

Sa ato nang gibalik-balik dinhi, kon ang Singapore maoy himuon nato nga panig-ingnan, niining kampanya for a ‘safe and vibrant public spaces,’ Singapore is clean, green and disciplined.

Ug matud dinhi, “Singapore’s success in establishing a highly disciplined and courteous citizenry was achieved through a top-down, multifaceted approach combining strict rule of law, and sustained public education campaigns.

Higpit nga papatuman sa balaud, walay hunong nga pag-edukar sa katawhan mahitungod sa sanitation, to achieve, among others, sa usa ka disciplined ug zero-waste management adherence sa katilingban.

Ang common denominator niini - discipline ug tinud-anay pagpatuman sa mga balaud. Lisud ra ba disiplinahon kitang mga Pinoy. Gahi kita’g mga ulo. Among others, magpasagad kita’g labay sa panit sa mani ug saging, o sa upos sa sigarilyo, o pagpanigarilyo mismo in public places.

Ang garaon nga mga motorcyclist paturagas la’g padagan, uban saba’ ug makabungol nilang mga mufflers. Ang aso nga ibuga, makadugang sa air pollution.

Aniay upat ka mga lakang nga gihimo sa Singapore pag-sustain sa ilang kaligdong: The government eliminated corruption by making it a high-risk, low-reward activity; By imposing penalties regardless of rank (mahimo kaha ni nato?); By enforcing sanctions for minor offenses—such as fines for littering and vandalism, and by utilizing and executing regulations on public behavior to minimize chaos, including restrictions on chewing gum, smoking, and graffiti.

Kining Fuente Osmeña project, usa kini sa daghang mga lakang sa dakbayan, to provide a livable and wholesome nga panimuyo sa mga Sugboanon. “Fuente Osmeña Circle, considered the “Heart of Cebu,” is more than just a public park. It is a heritage landmark with over a century of history,” nagkanayon si Archival.

Tinguha sa Mayor, to improve safety, accessibility, and overall experience at Fuente, samtang ipabilin ug i-preserbar ang iyang identity. Among other improvements, ibalik ang fountain nga maoy sentro sa atong panan-aw dihang dapita.

Karon, can we make Cebu City clean, green and disciplined, sama sa Singapore? Daku ang papel sa mga molupyo niini. Gikinahanglan ang utmost nilang cooperatation, kay dili kini mahimo sa city hall lamang.

Kaakohan ug obligasyon kini sa matag molupyo sa dakbayan, otherwise, pakyas ang atong tinguha pagpatahom ug pagpaanindot sa Queen City of the South.

Matud sa google, being indifferent, ang dili nimo pagpakabana sa kahimoan sa gobyerno, makapaluya sa mga democratic institutions, ug mopakunhod sa mga tulobagon ug accountability sa hingtungdang government officials.

So, panginlabot ug pagpkabana gayud. Don’t be a fence-sitter.