Kasilag

Basaha: Juan 15;18-21

Lawom kaayo kini og dulot pulonga. Sa atong kasinatian kun maghisgot kita og kasilag ang kuyog nga pagbati niini mao man ang kasuko.

Nasuko ang usa ka tawo o nasuko kita sa kapasikaran nga nasakitan kita gumikan sa gibuhat sa mga tawo nga giisip natong mahinungdanon kaayo alang kanato. Nasuko kita tungod kay tingali nasakitan kita, o dili ba kaha giluiban kita sa mga tawo nga giisip natong mahinungdanon sa atong kinabuhi.

Apan lahi diha sa konteksto sa balaang kasulatan. Ang pulong nga “Hate” nagpasabot man og the act of loving less.

Nga sa ato pa ang kalibotan nasilag sa mga tinun-an sanglit dili man sila iya sa kalibutan.

Apan sulod sa hataas nga panahon ang simbahan nga tinukod ni Kristo ingon man ang iyang sumusunod ang nahiagom man sa mapintas nga pagpanglutos kanila nga dunay dakong kasilag sa magtutudlo nga mao ang atong Ginoong Jesukristo ug kay daghan man nasilag kaniya mosunod usab nga si bisan kinsa nga nagsunod ug nahigugma kaniya ang kasilagan usab.

Kini tungod kay ang mga nasilag lahi man ang ilang gihigugma ug natural lamang kasilagan nila ang wala nila higugmaa kay giisip man kini nga hulga alang kanila.

Apan dili kita angay nga mabalaka kay dili man kita ang unang gikasaligan kondili ang Ginoo nga nagtawag kanato.