Deed of Sale pirmado apan dili notarized

Dear Atty. Divine,

Ang akong mama dunay gipalit nga yuta. Aduna siyay gikuptan nga Deed of  Absolute Sale  nga pinirmahan sa seller apan dili kini notarized. Karon gusto unta namo nga i-transfer na sa pangan sa among mama ang maong property. Magamit ba namo ang Deed of Sale bisan kon di kini notarize? Daghan salamat. — Clarissa

Dear Clarissa,

Kon inyong i-process ang pag-transfer sa property,  ang una ninyong buhaton mao ang pagpanotaryo sa Deed of Sale ngadto sa abogado. Kinahanglan ang seller ug ang buyer magkuyog sa pagpanotaryo sa dokumento kay  mopirma man sab sila sa notarial book sa notary public. Human niini, una pa niya i-process ang pagbayad og Capital Gains Tax og Documentary Stamp Tax sa BIR. Kon dili notarize ang Deed of Absolute Sale dili kini dawaton sa BIR alang sa inyong pagbayad sa Capital Gains Tax. Gawas pa niini, ang dokumento nga dili notarized magpabilin kining private document busa dili  kini magamit isip lig-ong ebidensya gawas lang kon imong maprobahan ang  due execution niini og ang authenticity sa maong dokumento. Busa importante gyud nga panotaryuhan ang Deed of Absolute sa property nga napalit sa imong mama.Thank you and God bless. — Atty. Divine

Alang sa inyong pangutana, palihug lang sa pag email email sa [email protected] og akong tubagon ang inyong pangutana pinaagi sa akong column matag Miyerkules, Sabado og Domingo.