Dili sa tanang panahon ikaw available

Kasagaran ang mosantop dayon sa atong hunahuna mao nga kinahanglang anaa gyud kita alang sa tanan. Sa matag panginahanglan sa uban anaa kita kanunay alang kanila.

Momata kita usa ka adlaw niana nga nahanaw na ang atong bili ug nahurot na pud ang atong enerhiya sa pagpangalagad ug pagpakabana alang sa panginahanglan alang sa uban.

Ang tubag niini mao gyud ang BOUNDARY. Gani, ang atong Ginoong Jesus nimando sa iyang mga apostoles nga kinahanglang moadto sila sa usa ka dapit nga awaaw aron sila makapahulay og diyotay. Bisan gani ang atong Ginoo mismo ang mag-inusara human sa makutas nga lihok sa pagsangyaw ug sa mga Milagro.

Nagpasabot lamang kini nga dili sa tanang panahon ikaw mamahimong available alang sa uban. Sa hapit nga duha ka dekada sa pagpangalagad akong Nakita nga dunay mga tawo nga mahigugma nimo dili tungod sa imong bili kondili sa imong MAHIMO alang kanila. Busa unsay angay buhaton?

1. Pagkat-on sa pagbalibad labina kun wala gyud kinahanglana ang imong presensiya.

2. Likayi ang pagduso sa kaugalingon ngadto sa katawhan nga wala mohangyo niini. Lakip na niini ang opinion o tambag gikan nimo. Basin gamiton kini nila batok kanimo.

3. Paggahin og mas daghang panahon sa kaugalingon. Mahimong makiglambigit ka ngadto sa uban sa tukmang panahon ug panginahanglan.

4. Himoang limitado ang imong mga posts sa social media. Dili na kinahanglanon nga masayud ang kadaghanan sa mga panghitabo sa imong kinabuhi.

5. Labaw sa tanan, kun dunay mosulti og dautan batok kanimo o nasuko nimo himoa nan, paghilom! Let your silence be the cause of their overthinking. Matag lihok kalkulado. It is not normal for men to be careless.