Obligado ang ginikanan mobayad sa kadaut sa minor de edad

Dear Atty. Divine,

 Ang akong  8 years old nga anak nakabuak sa bildo sa bintana sa sakyanan sa among silingan. Naigo kini sa bato nga iyang gilabay ngadto unta sa iro apan didto mitugpa sa bildo sa sakyanan. Ang akong pangutana kon mapugos ba ko sa pagbayad sa maong damage nga gihimo sa akong anak? Daghang salamat. —Peter

Dear Peter,

 Basi sa atong balaod (Art. 2176 og Art. 2180) sa New Civil Code  kini nagkanayon nga kon ang tawo makahimo og kadaut sa iyang isig ka tawo o sa bisan unsang butang obligado kini nga makabayad tungod sa iyang pagpabaya.  Apan kon bata ang  makahimo og kadaut  o damage, ang  amahan o inahan sa bata maoy obligado  nga mobayad sa kadaut nga nahimo sa iyang anak nga minor de edad. Kini tungod kay ang bata ubos sa iyang custody  og sa iyang supervision and control. Busa sa imo nga kaso, aduna kay responsibilidad sa pag bayad sa nabuak nga bildo sa sakyanan. Thank you and God bless. — Atty. Divine

Alang sa inyong.pangutana, palihug lang sa pag email sa flores [email protected] og akong tubagon ang inyong pangutana pinaagi sa akong column matag Miyerkules, Sabado og Domingo.