Ako ang maayong magbalantay

Basaha: Jn. 10;11-18

Niadtong buhi pa kadto si Papa Francisco, usa sa iyang mahinungdanong hagit alang sa tanang mga kaparian nga mamahimong manimaho sama sa mga karnero nga ilang gibantayan.

Nagpasabot kini sa usa ka mainiton ug suod nga kalambigitan. Laing  World day of Prayer for Vocations ang atong gisaulog.

Laing Dominggo sa Maayong Magbalantay na usab ang atong gihandum.

Apan ang mga kasaulogan nagpahinumdom lamang sa atong dakong tahas sa pagsunod kang Kristo Jesus atong Maayong Magbalantay pinaagi sa pag-awat sa iyang mga hiyas nga naglangkob ning mosunod:

1. Pagkamaunongon diha sa kalipay ug kalisud.

2. Pagkamapailubon diha sa mga pagsulay.

3. Pagkamalahutayon diha sa mga higayon nga sulayon ang magbalantay ingon man ang mga karnero niya.

Atong iampo ang atong mga kaparian ingon man ang atong mga magbalantay ning panahon sa dakong kalisdanan nga unta dili sila bation og kakapoy diha sa ilang pagdumala sa panon nga gisangon sa Ginoo nga mao kita.

Ginoo magpadala ka unta og mga Balaang mga Apostoles sa imong Simbahan.