Mamahimo bang ibaligya ang yuta nga giprenda?
Dear Atty. Divine,
Ang yuta sa akong igsuon giprenda og P300,000.00, ug ang term niini 5 years.
Adunay gipirmahan nga Real Estate Mortgage ang akong igsuon. Apan tungod kay naapiki gyud siya sa kwarta, maong plano nalang niya nga ibaligya ang maong yuta.
Ang iyang pangutana kun mamahimo bang ibaligya ang iyang property bisan kon kini nakaprenda? Daghang salamat.
Lucia
* * *
Dear Lucia,
Yes, bisan kon nakaprenda ang property sa imong igsuon mamahimo gihapon kining ibaligya. Apan kinahanglan nga iyang pahibaw- on ang giprendahan labot sa iyang plano. Kinahanglan sab niyang bayran ang giprendahan once mahalin na ang property.
Mamahimo sab nga i-offer sa imong igsuon ang yuta nga iyang ibaligya ngadto mismo sa iyang giprendahan kun pananglit interesado sab kini nga mopalit sa property. Thank you and God bless.
Atty. Divine
* * *
Alang sa inyong pangutana, palihug lang sa pag email sa [email protected] og akong tubagon ang inyong pangutana pinaagi sa akong column matag Miyerkules, Sabado og Domingo.
- Latest
