Bag-ong kahigayonan sa panarbaho sa MEZ

Pagtak-op sa usa ka dakung garment manufacturing facility sa Mactan Export Zone (MEZ), mga  500 ka empleyado ang giingon nga  nawad-an og trabaho. However, ang The Philippine Economic Zone Authority (PEZA), nangita’g mga paagi pag-offset niini, nga matud pa, ilang gi-target, at least, mga 1,000 new positions.

Good, hinaut nga ma-realized kini. Pagkakaron, maoy ilang gilantaw ang pagbukas sa kahigayonan sa panarbaho sa existing nga mga locators ug prospective nga mga investors.

Si Tereso O. Panga, PEZA director general, namahayag nga daku ang iyang pagsalig o confidence sa Sugbo, ug ni-identify sa duha ka kompaniya nga matud niya, are now setting operations: ang Oakwave Cebu Corporation, ug ang Inventory Management Services, Inc. (IMS).

Sa iyang pagduaw dinhi sa Sugbo, isip dinapit pagtambong sa pagbukas sa Mahi Centre, si Panga, nagkanayon: “The zone continues to attract investments, and we are expanding capacity to accommodate more companies and generate employment.”

Ang operation sa Mahi Centre, nagpadulong ngadto sa giingon nga “township-style environments, where businesses operate alongside retail, hospitality and residential components, the quality-of-life for employees being considered.”

Maoy tinguha sa PEZA nga ang MEZ mamahimong sentro, o  manufacturing hub sa Visayas, ug ang replacement hiring maglangkob sa mix electronics, light manufacturing, and export-oriented enterprises nga karon nag-operate na within the zone. 

Iyang gi-acknowledge ug gidayeg ang management sa MEZ: “For decades, Mactan has demonstrated what a well-managed economic zone can achieve.”

Ingon man, ang PEZA nagtuon pagpalapad sa operation within Mactan areas, pag-accommodate sa dugang investors, aron in the long run, mamahimo kitang globally competitive.

So, it seems nga hayag ug promising kaayo ang industrial aspect sa Sugbo, gumikan sa giingon ni Panga nga well-managed zone.

* * *

Sa dakbayan sa Mandaue, ang Konseho ni-approved sa resolution nga himuon ang usa ka makuti ug comprehensive nga pagtuon pag-usbaw sa sohulan sa mga empleyado, labina sa mga JOs (Job-Order) employees.

Si Konsehal Carlo Fortuna, nga maoy nangamahan sa resolution, namahayag nga ang pagsaka sa prisyo sa oil products, maoy naka-trigger sa giingon nga domino effect sa tanang galastuan, dungan sa pagsaka usab sa inflation rate.

Pagkakaon, ang mga JO workers sa dakbayan nagdawatan og inadlaw nga sweldo, “of around P400,” nga ubos kaayo sa prevailing minimum wage.

Hinuon, matud ni Fortuna, dili kini sayon gumikan sa kadaghang JO employees, nga nagkinahanglan og substantial amount gikan sa panudlanan sa dakbayan.

Isip kabahin sa resolution, ang Konseho nirekomendar nga sila si Mayor Thadeo Jovito “Jonkie” Ouano, uban sa City Human Resources Office ug City Budget Office, paghimo og detalayado nga pagtuon sa gisugyot nga pag-usbaw sa sohulan sa mga city employees. Maayo usab tingali nga buhaton kini sa ubang mga LGUs. Most probably, managsama sa ilang problema on the proposed salary increases. Tingali unya hunahuna ug tinguha ra ang gadaku, apan, dili kaya sa panudlanan. But, at least, himuon ang mga pagtuon, kay sa modiritso lang paghukom nga “dili kaya.”

Duna koy nadunggan, ambot tinuod ba ni, nga ang mga JO workers, mas kugihan pa kuno kay sa ubang regular employees. Pareha ba ta’g nadunggan?