Rogate Method
Matag bangon nato sa sayong kabuntagon atong pasalamatan ang Ginoo sa mga grasya nga atong nadawat. Apan sa laing bahin ato usab hunahunaon nga kini kahigayonan man usab aron atong makita ug ma-explore ang mga nagkadaiyang mga panalangin nga atong mapupo matag adlaw sa atong panaw. Busa kinahanglang buhaton nato ang ROGATE METHOD. Kini nagpasabot ning mosunod:
R kun Responsibility. Matag adlaw atong responsibilidad. Matag adlaw atong katungod apan sa laing bahin atong katungdanan. Nunot niini ang pag Re-Invent sa atong kaugalingon aron mamahimong best version sa atong kaugalingon.
O kun Open o abli sa mga posibilidad. Tinuod gyud ang giingon ni Bruce Lee: “Be Water my Friend.” Nga sa ato pa kinahanglanon kaayo nga mamahimo kitang flexible sa mga panghitabo ug maningkamot nga makahimo kita sa mga maayong mga lakang taliwala sa mga kalisdanan nga atong masinati. Ang kalisdanan kahigayonan aron mamahimo kitang creative sa atong pagahimoo. Kinahanglang optimist kita. Kinahanglang positive minded kita.
G kun Give so as to Gain. Dili sa tanang higayon nga kita magpunay lang og pangayo. Kinahanglang mopaambit kita sa bisan unsang ania kanato. Kay matag relasyon bisan unsang matanga sa relasyon usa man ka Give and Take nga relasyon.
A kun Attention o Focus. Katag atong hunahuna wala tay igong kapaingnan. Nunot niini ang hagit sa pag-analyze. Gikinahanglan ang pag sud-ong sa matag sitwasyon sa kinabuhi o mga panghitabo kada adlaw sa imong palibot aron mas masabtan nimo ang angayan nimong pagahimoon. Focus on the goals not on difficulties. Ang tanan mahimo kun kita motuo.
T kun Time. There is time for everything matud pa sa Eccl. 3;1. Kun atong pagahimoon ang pagpailob ug pagpaabot. Kini tungod kay ang Roma wala man matukod sulod sa usa lamang ka adlaw.
E kun empower nato ang atong kaugalingon. Dili unta kita ma discouraged kun anaa ang failure kun kapakyasan nga atong masinati. Ang kapakyasan dili katapusan kondili ang maong kapakyasan kabahin gihapon sa atong gipangandoy nga kalamposan.
- Latest
