Mamahimo bang pabayran ang improvements sa giabangan?

Dear Atty. Divine,

Nag-abang ko og space nga gihimo nakong tindahan. Tulo ka tuig ang among kontrata og mo-end na kini next month. Wa na koy plano nga mo renew kay nakakita ko og laing space nga mas maayo og pwesto. Ako na gi inform ang lessor nga di nako mo-renew. Ang akong pangutana atty kun kining mga improvements sa akong giabangan sama nalang  sa cabinets, counter top og uban pa, pwede ba nakong pabayran sa lessor? Daghang salamat. — Nestor

Dear Nestor,

Basi sa atong New Civil Code sa Article 1678, kini nagkanayon nga kun ang lessee dunay gihimo nga mga improvement sa iyang giabangan nga property nga wa maka alter ug wa makadaut sa property then ini’g tapos sa kontrata, ang lessor mamahimong mobayad og katunga ngadto sa lessee sa iyang nagasto sa maong improvements.  Apan kun di mobayad ang lessor then ang lessee mamahimo nga motangtang sa bisan unsang improvements nga iyang gihimo sa property basta dili maka damage sa property ang imong pagtangtang niini.  Busa ang maayo nimong buhaton mao ang pagpakigsulti sa lessor kon andam ba siyang mobayad og katunga sa imong nagasto sa improvements, kun di siya mobayad then you as a lessee dunay option sa pagtangtang sa imong improvements nga gihimo sa property. Thank you and God bless. — Atty. Divine

Alang sa inyong pangutana ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.