Gustong ipaputol ug ibaligya ang mga punu-an sa lubi

Dear Atty. Divine,

Aduna mi kalubihan sa among probinsya. Wa na kini maatiman kay tiguwang na among mga ginikanan ug masakiton na. Plano unta namo nga ipaputol nalang ang ubang punuan sa lubi ug ibaligya aron ipalit og tambal sa akong mga ginikanan.  Ang akong pangutana kun mamahimo ba namong ipaputol ang ubang punuan sa lubi aron ibaligya? Daghang salamat.

Eddie

* * *

Dear Eddie,

Basi sa  Sec. 4 sa  Coconut Preservation Act of 1995, kini nagkanayon nga dili mamahimong putlon ang punu-an sa lubi gawas lang kun kini 60 anyos na or wa na mamunga or hapit na matumba gumikan sa bagyo o kun gi-convert na ang classification sa yuta sa lain nga purpose. Buot ipasabot nga dili ka basta-basta  nga makaputol sa lubi kay magkinahanglan kini og permit . Ang maayo nimong buhaton mao ang pag identify sa mga punoan nga karaan na, wa na mamunga or hapit na matumba aron mao ra kini ang imong ibaligya ug ipaputol. Apan kinahanglan sab gihapon ka mokuha  daan og permit sa dili pa kini ninyo putlon. Mas maayo nga mangutana mo daan sa Philippine Coconut Authority kun unsay requirements sa pagkuha og permit alang niini aron pagseguro nga dili mo makalapas sa maong balaod. Thank you and God bless!

Atty. Divine

* * *

Alang sa inyong pangutana, palihug lang sa pag email sa [email protected] ug akong tubagon ang inyong pangutana pinaagi sa inyong column matag Miyerkules, Sabado ug Domingo