^

Banat Opinyon

Sinugdanan pa lang sa mas seryosong hagit sa kinabuhi

LABTIK - Alan Domingo - Banat

Dali ra kaayo ang panahon, mora’g gahapon pa gani to ang opening sa klase, nahuman naman dayon. Bitaw nitambong ko sa graduation sa akong youngest gahapong adlawa sa elementaryq sa lungsod sa Cordova diin lipay kaayo ang mga bata nga sa kataposan nahuman na gyud ang ilang sakripisyo sa pagmata ug sayo aron dili ma-late sa klase ug ang pagtoon sa mga leksyon panahon nga adunay mga examination.

Temporaryo ang tanan kay dungan sa pagtapos nila sa ilang panaw sa elementarya ang pagsugod na usab sa laing journey sa pagsulod na unya sa high school. Ug ang nakatapos sa high school mosulod na usab sa kolehiyo ug ang motapos sa college mas dakong hagit ang pagpangita og trabaho nga sa karong panahona lisod gyud kaayo kay nayayay man ang mga patigayon.

Makita sa inosente nga panagway sa mga graduates ang puno sa paglaum nga wala maghunahuna kon unsa ang nagpaabot kanila sa unahan. Walay mga problema sanglit dili pa man nila mabatyagan ang tinood nga kahimtang sa pagkakaron.

Yano kaayo ang ilang mga pangutana kon asa sila sunod motikang nga eskwelahan, kadtong mga adunay ikasarang segurado nga makapadayon sila sa pagtoon apan kadtong mga walay ikagasto posibleng dili kapadayon sa pagtoon kong makapadayon man tungason kaayo.

Balik tan-awon nako ang akong kaagi gikan sa elementaryq hangtud sa high school nga wala gyuy kasegurohan ang tanan tungod lagi kay wala man mi ikasarang, arang-arang sa elementary kay wala may tuition apan ang survival challenging kaayo kay wala man mi makaon o bawon sa eskwelahan. Imbis rice, memo-rice nalang kay wala may mabalon.

Sa high school mas duol man ang catholic school sa among balay didto mi nag eskwela apan kada majo major exam magsegi kami og atubang sa principal kay manghangyo dungan sa pag pirma sa promisory notes, gani akong maguwang nga babaye ang kanunay mangatubang nga maghilak aron tugotan mi nga mo take og exam.

Labaw sa tanan ihilam-os usab namo ang pagtamay sa ubang mga tawo tungod sa among kalisod. Apan ang tanan nga kapaitan ang akong gihimong inspirasyon aron makab-ot ang gamayng kalamposan.

Sa tinuod lang wala ko maapil sa honor roll list kay hilabihan ka absenos kay manarbaho pa lagi aron makapalit sa mga gikinahanglan sa eskwelahan.

Tungod sa paningkamot nakaangkon ko og gamay’ng kalamposan.

Gamay alang sa uban apan alang kanako dako na kaayo kadto kay ang pait nga kasinatian ang naghatud kanako sa akong nahimutangan.

Ako kining gipaambit nga estorya  aron mapahinumduman ang kadtong naglisod sa kinabuhi nga kong maningkamot lang makab-ot ang gitinguhang tingusbawan. Congrats sa mga graduates ug sa mga ginikanan nga suportado ang pangandoy sa mga anak aron mahatagan og mahayag nga kaugmaon

COLLAGE

  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with