Undivided property ang gustong ibaligya

Dear Atty. Divine,

Duna mi na-inherit nga property gikan sa among mga ginikanan. Titulado kini ug duha mi ka magsuon ang magbahin niini. Apan wa pa namo ma-process ang pag-transfer sa title ngadto sa among name kay wa pa mi budget para sa estate tax. Ang akong igsuon nagtinguha sa pagbaligya sa iyang share ug gani naa na siyay buyer. Apan ang iyang buyer namili sa portion sa luna nga gusto niyang paliton. Misupak ko niini kay mahulog nga interior nga bahin ang akong share nga mahibilin. Ang akong pangutana kun makabuot ba ang buyer sa portion nga iyang paliton sa undivided property? Daghang salamat.  —Luna

Dear Luna,

Isip mga co-owner sa property nga kabilin sa inyong ginikanan, kamong duha ka magsuon adunay patas nga katungod sa property ug tungod kay wa pa kini ninyo mabahin, ang imong igsuon dili makabaligya og specific portion sa property gawas lang kun mouyon ka niini ug modesisyon mo nga i-subdivide ang property. Ang maayo ninyong buhaton karon mao ang pagbahin sa yuta og mag agree na mo kun asang dapita ang inyong tagsatagsa ka share. Human niini, mamahimo nang ibaligya sa imong igsuon ang iyang bahin. Thank you and God bless. —Atty. Divine

Alang sa inyong pangutana, palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.