Kinahanglan nga ipa-recognized sa Korte sa Pilipinas ang Divorce Decree

Dear Atty. Divine,

Ang akong friend naminyo sa Japan apan nag divorced na sila sa iyang Hapon nga bana last year. Karon aduna siyay Filipino boyfriend nga gustong mangasawa niya. Pwede na ba siya nga makaminyo pag-usab kay ang iyang ex-husband naminyo na man sab. Daghang salamat.

Gretchen,

* * *

Basi sa atong balaod, kon aduna nay decree sa Divorce sa marriage tali sa Filipino spouse og sa iyang alien spouse, ang Filipino spouse aduna nay capacity sa pagminyo pag-usab. Apan ang divorced nga na-obtained abroad kinahanglan pa nga adunay judicial recognition sa korte sa Pilipinas. Kini aron probahan ang validity niini sa dili pa makaminyo pag-usab ang Filipino spouse. Ang mamahimong desisyon unya sa korte sa Pilipinas nga nag-recognized sa Divorce maoy basihan unya sa pag annotate niini ngadto sa Local Civil Registrar's Office ug sa Philippine Statistics Authority or PSA. Busa ang unang buhaton niini, mao ang pagfile og Petition for Recognition of Divorce Decree dinhi sa korte sa Pilipinas diin marehistro ang ilang marriage. Kun aduna nay desisyon nga nagrecgnized niini, ipa annotate kini sa Local Civil Registrar og sa PSA, og once ma annotate na kini, mamahimo nang makaminyo pag-usab ang Filipino spouse. Thank you and God Bless!

Atty. Divine

* * *

Alang sa inyong pangutana, palihug lang sa pag-email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.