Aduna bay additional pay kun motrabaho atol sa rest day?
Dear Attorney Divine,
Ang kompaniya nga akong gitrabahoan magsige og request nako nga patrabahuon ko atol sa akong day off. Sige lang sab ko og balibad kay gusto sab ko nga makapahuway ug maka spend og time sa akong family. Apan kun pananglit motrabaho ko panahon sa akong rest day, aduna ba koy madawat nga additional pay? Daghang salamat.
* * *
Roland
Dear Roland,
Yes, basi sa atong Labor Code ang empliyado nga patrabahoon atul sa iyang rest day entitled sa iyang regular nga sweldo plus 30% nga additional pay basi sa Section 9 sa Omnibus Rules Implementing the Labor Code. Sa ato pa, kon ikaw gipatrabaho atul sa imong day-off makadawat ka og 130% sa imong first eight hours nga daily wage. Kon gipatrabaho ka sa imong rest day og naatul pa gyud nga regular holiday makadawat ka og 260% sa imong sweldo on that day, apan kon maatul nga special holiday makadawat ka og 150% sa imong first eight hours. Busa kon motrabaho ka sa imong day off kinahanglan nga imo gyung idoubleck ang imong pay slip kon gihatagan ka ba sa additional pay sa adlaw nga mitrabaho ka panahon sa imong day off.Thank you and God bless. -- Atty. Divine
* * *
Alang sa inyong pangutana palihug lang sa pag email sa [email protected] ug akong tubagon ang inyong pangutana pinaagi sa inyong column matag Miyerkules, Sabado ug Domingo.
- Latest
