Unsay epekto kun i-acknowledge sa amahan ang bata

Dear Atty. Divine,

Duna koy illegitimate nga anak ug gusto karon sa amahan nga i- acknowledge ang bata. Ang gigamit nga  apelyido sa akong anak  sa iyang Birth Certificate mao ang akong surname. Karon ang amahan pagkakita sa bata nga liwat gyud kaayo niya gusto niya nga usbon ang apelyido sa bata. Ang akong pangutana kun unsa may legal effect kon i-acknowledge sa amahan ang akong anak? Daghang salamat. — Lina

Dear Lina,

Usa sa mga legal nga epekto kon ma-acknowledge sa  amahan ang imong anak mao  ang iyang katungod sa pag-inherit. Basi sa balaod ang gi acknowledge nga illegitimate child makonsiderar kini nga compulsory heir sa amahan ug mamahimong sumusunod sa properties sa amahan uban sa mga legitimate children. Mamahimo sab nga maka demand og support ang bata ug labaw sa tanan mamahimo na siyang mogamit sa apelyido sa iyang amahan. Ang buhaton sa iyang papa mao ang pag execute og Affidavit of Acknowledgment  with Consent to Use the Surname of the Father, panotaryuhan ang maong Affidavit ug dayon i-submit sa Local Civil Registrar diin gi-rehistro ang bata aron kini ma-annotate sa iyang Birth Certificate. Thank you and God bless!  Atty. Divine

Alang sa inyong pangutana, palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo