Gustong dad-on sa abroad ang anak nga minor de edad

Dear Atty. Divine,

Usa ko ka OFW ug nagbuwag mi sa akong bana sud na sa unom ka tuig. Aduna koy anak nga minor de edad pa og na approved na ang akong petition aron madala nako sa abroad ang akong anak. Ang akong pangutana kun unsa pa may laing dokumento ang angayan nakong andamon aron dili mi masangit sa Immigration officer ini’g larga? Daghang salamat.

Trisha

* * *

Dear Trisha,

Tungod kay menor de edad pa ang imong anak, kinahanglan nga mo execute ang imong ex-husband og Affidavit of Consent nga nagtugot sa imong anak sa pagbiyahe abroad uban kanimo ug dapat notarized ang maong document. Ang ubang country aduna silay ilang kaugalingong consent form nga mamahimo ra sab nimo ma search online ug mao kini ang imong papirmahan sa imong ex-husband ug panotaryuhan. Ang requirements magdepende sab sa nasud nga inyong adtuan busa mas maayo nga imong i-research kini daan aron pagsiguro nga kompeto ang imong mga dokumento. Thank you and God Bless.

Atty. Divine

* * *

Alang sa inyong pangutana, palihug lang sa pag email sa [email protected] ug akong tubagon ang inyong pangutana pinaagi sa  akong column matag Miyerkules, Sabado ug Domingo.