Integridad ug Demokrasya

Giingon sa Kabataang Bongbong Facebook page nga ang unang pamilya sa Pilipinas nga sila si Presidente Bongbong Marcos Jr. ( PBBM) ug Liza Araneta Marcos (LAM) ang nagpabalik sa integridad ug demokrasya sa nasud. Motoo mo?

Hinuon, sa pangalan pa lamang sa grupo dapig na sila sa unang pamilya.

Ang mga sakop ning Kabataang Bongbong wala magbasa sa libro sa kasaysayan sa Pilipinas kay lain man ang personalidad nga ilang nasayran nga nagpabalik sa demokrasya sa Pilipinas.

Kun may nagpabalik man sa integridad ug demokrasya sa Pilipinas walay lain kon dili ang katawhang pilipinhon pinaagi sa People Power 1 bloodless revolution nga maoy nagbotang ni kanhi Presidente Corazon "Cory" C. Aquino ug Salvador "Doy" Laurel sa katungdanan human sila gitikasan sa piniliay ni kanhi diktador Ferdinand Edralin Marcos Sr.

Kun may napabalik man si Presidente Bongbong Marcos Jr. ug Liza Araneta Marcos dili ang integridad ug demokrasya kun dili ang korapsiyon ug abuso sa gahum.

Like father like son. Ang amahan gipalagpot sa katawhan tungod sa pagkakorakot ug abuso sa gahum ug paglapas sa tawhanong katungod.

Human palagpota sa Malakanyang gihatagan og laing higayon ang mga Marcos nga makadala sa renda sa kagamhanan sa nasud pinaagi sa pagbotang ni PBBM sa Malakanyang  aron makabawi sa dautang imahin sa amahan apan ang nahitabo mas gipalabwan pa niini ang pagkakorakot sa iyang amahan.

Asa man niini ang giingon sa kabataang Bongbong nga gipabalik nni PBBM ang integridad sa nasud? Ambot laaaanng.