Sa dihang nausab ang iyang panagway

MARSO  1, 2026: Ikaduhang Domingo

 sa Kwaresma

 Mga Pagbasa:   Gen. 12;1-4/

Sal. 33/2 Tim. 1;8-10/Mt. 17;1-9

MAAYONG BALITA

Gidala ni Jesus ang kapid-an sa iyang mga tinun-an.

Nitungas sila sa bukid nga sa tradisyon pa ginganlan og Tabor. Didto nausab dili lang ang iyang nawong kondili ang iyang panagway.

Kining maong kausaban nahimong katumanan sa panagna sa dihang nipakita si Elias ug katumanan sa Balaod sa dihang anaa usab si Moises.

Ang nahimong unod sa ilang kukabildo. Human sa maong talagsaon nga hitabo si Pedro ang nisugyot nga magtukod sila og tulo ka payag.

Nasulti niya kini apan wala siya masayod kun nganong nasulti niya  kini.

 Kasinatian

 Daghan nato ang buot mausab alang sa kaayohan. Apan sa atong tinguha nga makab-ot kini kinahanglang moagi una kita sa dalan sa Krus.

Usahay ang kausaban nga atong gitinguha malisud man diay kab-oton kun sa sakripisyo dili kita maantigong             mohangop.

Ang kahimayaang nasinati sa Ginoo mao man ang timaan sa umaabot nga kahimayaan nga gidamgo natong tanan.

 Lihok

 Sa dili pa nimo usbon ang katilingban usba daan ang imong kaugalingon

 Pangamuyo

 Malisud man ang pag-usab sa among kaugalingon Ginoo apan tinabangan sa imong grasya ang tanan mahimo gayud. Salamat Ginoo ning maong kahigayonan.

Kining tanan among gipangayo pinaagi ni Kristo among Ginoo. Amen.