Dili mopahawa ang nag-abang sa apartment

Dear Atty. Divine,

Duna koy gipaabangan nga apartment sud na sa tulo ka tuig. Mi-expired na ang among contract niadtong Enero ug ako siyang gipahibawo nga di na nako i-renew ang Contract of Lease kay ako nang gamiton ang property. Apan hangtud karon nagdumili man ang nag-abang sa pagbakante sa property ug wa na sab siya mobayad sa abang. Unsay angayan nako nga buhaton aron siya mopahawa? Daghang slamat. — Roland

Dear Roland,

Ang una nimong buhaton mao ang pag send og demand letter pagkolekta sa rental nga wa niya kabayri og sa pagvacate sa property. Kun iyang ibalewala ang imong demand letter, mamahimo nimo siyang pasakaan og reklamo sa barangay. Kun di mo ma-settle sa barangay mamahimo kang mopasaka og kasong Unlawful Detainer ngadto sa Municipal Trial Court ug ang korte na unya ang momando kaniya sa pag vacate sa imong property. Thank you and God bless. — Atty. Divine

Alang sa inyong pangutana, palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.