Gigamit sa barangay ang portion sa property

Dear Atty. Divine,

Ang portion sa among property gigamit nga agianan sa barangay apan wa sila mananghid namo . Gusto unta namo nga gamiton  ang property apan matud sa kapitan nga considered  nang government property ang maong portion sa among yuta kay gigamit man kini as  public road. Ang akong pangutana kun di na ba gyud namo makuha ang maong portion sa  property nga gihimong dalan? Daghang salamat.

Lary

* * *

Dear Lary,

Ang usa ka private property bisan kun gamiton kini for public use or public purpose sama sa public roads, dili kini automatic nga mapanag-iya sa gobiyerno. Magpabilin kining private property gawas lang kun kini gi donate ngadto sa gobiyerno, gipalit o gi expropriate sa gobiyerno. Busa kanang portion sa inyong property nga gihimong public road kun wa kana gi expropriate, gipalit or gidonar magpabilin kanang inyong property. Ang maayo ninyong buhaton mao ang pagpakig negotiate sa barangay aron bayran nalang nila ang portion nga ilang gigamit kay under the law, di man sab kabalibad ang tag-iya sa yuta kun gamiton sa gobiyerno for public use ang imong yuta. Thank you and God bless.

Atty. Divine

* * *

Alang sa inyong pangutana, palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.