Kinahanglan bang mo-execute og last will ang ginikanan?

Dear Atty. Divine,

Duna koy usa ka anak ug ang akong bana namatay na last year.

Aduna mi mga properties nga karon nakapangan na kanako ug sa akong anak kay amo mang gibayran ang Estate tax niini human namatay ang akong bana. Ang akong pangutana kun kinahanglan pa ba ko nga mo-execute og Last Will and Testament aron ang akong bugtong anak maoy maka inherit sa akong kabilin? Daghang salamat.

Mary-Ann

* * *

Dear Mary-Ann,

Basi sa atong balaod, kun walay gibilin nga Last Will and Testament ang mga ginikanan, ang ilang mga anak nga maoy mga compulsory heirs automatic nga maoy magbahin sa kabilin.

Busa isip tubag sa imong pangutana, dili na kinahanglan nga mo execute ka pa og Last Will and Testament kay ang imong anak nga maoy imong sole heir mao gyuy maka-inherit sa imong property. Thank you and God Bless.

Atty. Divine

* * *

Alang sa inyong pangutana, palihug lang sa pag-email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.