Ulo sa bata gitangag sa itoy

Makapabukal sa dugo kining nahitabo sa Sitio Lubas sa Barangay Campo Siete sa lungsod sa Minglanilla diin aniay ulo sa bata ang nakit-an nga gitangag sa itoy pasado alas dos niadtong Lunes sa hapon.

Nagtuo ang mga tawo nga ulo sa monyeka ang gitangag sa itoy. Apan dihang ilang gitan-aw pagmaayo tinuod gyud diay nga ulo sa bata nga aduna pay dugo ug dangog nga putos niini nga nagpailang bag-o lang gigawas sa tago angkan sa inahan. Maayo kunong pagkaputol sa liog nga mutag giibot o gituyo og putol.

Nagtuo gani ang mga tawo nga duwaan lang o ulo sa monyeka ang gitangag sa itoy apan tinuod gyud diay busa gitabangan nila sa pagpangita ang ulo sa bata apan napakyas sila. Inay ang nakita nila ang panapton nga dunay lama sa dugo nga gituohang gipustan niini.

Ang pangutana karon unsay nahitabo sa lawas sa bata, ang pagduda sa mga tawo nga gikaon kini sa mga iro tungod kay niadtong higayona nabantayan nila nidako ang tiyan sa inahan sa duha ka mga itoy nga unang nagtangag sa ulo sa bata ug mismo ang tiyan sa mga itoy klaro kuno kaayong nabusog.

Kaluoy intawon sa anghel wala lang isalikway sa iyang mga ginikanan apan gisalabahis nila og maayo gipatangag sa iro ug kong tinuod man ang pagduda gipakaon pa gyud ang lawas niini. Pagkamaayo pud putlan sa ulo kining inahan ug mahan niining bata, unta ila nalang gipasagop ang mga ilang anak kay sa gipatay nila.

Base sa nakakita sa ulo sa bata, nagtuo sila nga normal nga gihimugso kini ug buhi pa seguro dihang nigawas sa tiyan sa inahan apan wala ka-survive dihang naatlan sa mga iro nga gutom. Ang inahan nga iro ug ang duha niya ka mga itoy pulos mga libudsuroy o walay tag-iya busa misamot ang pagtuo sa uban nga tungod sa kagutom nakahimo ang mga iro sa pagkaon sa lawas sa bata.

Gidasonan usab kini ni Dr. Alice Utlang, ang betaranang beterenarya, nga dili kinaiya sa iro nga mokaon og tawo apan kong pinasagdan kini ug gigutom na walay pilion ang iro nga kan-on aron lang siya makasugakod.

Kon itandi nato ang inahan sa bata ug inahan sa mga itoy, mas iro pa kini nga walay kaluoy nga mikutlo sa kinabuhi sa iyang anak nga kaugalingon niyang dugo. Posibleng anaa ra kini sa dapit magpuyo ug wala lang seguro mabantayi kinsa o ba kaha naay naglabay niini sa dapit. Pero nganong didto man sa dunay daghang balay nga kong tan-awon ang dapit sa Campo Siete ang labing sudlonon ug tangason nga bukid sa Minglanilla ug didto gyud ilabay?

Basin pud kong dunay abortionist nga nag-perform sa iyang dautang binuhatan ug gibunlot ang ulo sa bata hinungdan nga napunggotan kini sa ulo. Ka walay kalooy gyud ang inahan ug ang amaha  nga igo lang nagpalami ug sa dihang nanganak gisayon sayon nila sa pagpatay.

Unta tutokan kini sa kapolisan ug dili i-take for granted ang nahitabo kay basin naay lawom nga panghitabo niining tanan ug mahatagan og hustisya ang bata, kinahanglan masilotan ang naghimo sa ingon. Maayong pagngbitayon ang ingon niini nga klase sa ginikanan nga mga walay puangod.