Mandatory retirement

Dear Atty. Divine,

Mag 60 years old nako this month. Karong bag-o gipatawag ko sa among HR manager kay gusto sila nga mo-retire nako. Nagtrabaho ko ning maong company sud  na sa 15 ka tuig. Ang company matud pa adunay early retirement program nga i-offer nako. Apan ako kining gibalibaran tungod kay gusto pa ko nga motrabaho kay wa man koy buhaton kun mo-retire ko. Ang akong pangutana kun makapugos ba nako ang company sa pagpa-retire? Daghang salamat. —Edward

Dear Edward,

Basi sa Article 287 sa atong Labor Code, ang usa ka empliyado mamahimong mo-retire kun moabot na siya sa retirement age  nga gitakda sa ilang Collective Bargaining Agreement or CBA  o sa retirement nga nalatid sa ilang employment contract. Apan kun way retirement  plan ang company, ang empleyado mamahimong mo-retire inig abot sa edad nga 60-anyos ug di molapas sa 65-anyos ug makadawat siya og retirement pay nga equivalent og half-month per year of service. Sa ato pa, ang mandatory retirement age nga nalatid sa atong balaod is 65 years old. Sa imo nga kaso kun wa  malatid sa inyong CBA o sa imong employment contract nga dapat mo retire ka at the age of 60, then dili makapugos kanimo ang imong kompaniya sa pag-retire. Kanang early retirement program nga ilang gi-offer  nimo kun wa nimo dawata dili sila makapugos kay ang pagpa-retire before the mandatory age of 65 dapat voluntary ug dili kana compulsory. Thank you and God bless. —Atty. Divine

Alang sa inyong pangutana, palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.