Libaong sa Kadalanan

Daghang katuigan nga nag-antos ang mga residente sa Forest Hills Road, gikan sa Duterte Street hangtod sa White Hills Subdivision, tungod sa kadaut sa kadalanan. Ang kakulang sa maayong drainage system nagdala sa tubig nga mo-lapaw sa dalan, hinungdan sa pag-umol sa libaong ug mga liki nga moay rason na naka hatag ug ka hasol sa mga sakyanan.

Tungod niini, mas delikado ang kahimtangan ilabi na alang sa mga motorista. Ang mga nagmotor peligro nga matumba tungod sa mga libaong, samtang ang mga sakyanang upat ka ligid mapugos nga molikay ug mosulod sa pikas lane aron malikayan ang kadaut.

Sa maong kahimtangan, dili angay basulon ang mga drayber tungod kay wala silay lain kapilian kon dili ang molikay aron malikayan sab ang dugang problema sa gastohon. Ug nganong maka gasto?, kay adunay mga higayon nga ang ubang libaong adunay mga lansang o turnilyo nga makabuslot sa ligid, nga nagdugang sa kalisod ug gasto sa mga drayber.

Usa pa, kasagaran sa mga ginahimong water pipe repair sa iladong water provider nga pagdugkal sa kadalanan. Human sa pag-ayo sa tubo, pasagdan na lang ang aspalto ug walay igong sunod nga pag-ayo sa dalan.

Makahibulong nga bag-o pa gi-aspalto sa city hall ang maong mga dalan apan sa sunod adlaw nangaguba dayon tungod kay inig kadlawn magdugkal na usab alang sa mga water pipe. Mao kini ang usa sa mga hinungdan nganong dali ug kanunay maguba ang kadalanan.

Gani, dili lang Forest Hills Road ang naay samang problema. Ang kini sab ang kadalan sa Limkaken St., sa ibabaw sa Alliance of Two Hearts Parish, parehas ka guba.

Kini usa lang ka panawagan sa mga opisyales sa Barangay Guadalupe ug sa atong Mayor: tabangi kami nga masulbad na kini nga problema alang sa kaluwasan ug kahapsay sa tanan. Kinsa pa kaha ang makaayo sa atong kadalanan kon dili ang komunidad ug ang lokal nga gobyerno magtinabangay?

Mga silingan, kamo ba sa uban eskinita parehas ba ang kahimtang sa inyong kadalanan? Nindot unta na nga mahatagan ug pag tagad ang maong panawagan!