Happy ending ba ang 2025?
Ang 2025 ay naging mabigat para sa lahat ng antas ng lipunan. Sa gitna ng ganitong strain, may isang institutional response na nararapat agad kilalanin. Ang House leadership—sa pamumuno nina Speaker Bodjie Dy, Majority Leader Sandro Marcos, at Committee on Appropriations Chair Mikaela Angela Suansing—ay nagpatunay na ang principled governance ay posible pa rin, kahit sa isang pulitikal na kapaligirang puno ng tensyon at volatility.
Sa pamamagitan ng Bicameral Conference Committee, naging mahalaga ang papel ng Kamara sa paghubog ng mas matibay at mas tumutugong 2026 national budget. Hindi ito simpleng laro ng numero, kundi isang malinaw na pahayag ng legislative discipline—balanseng fiscal restraint, malinaw ang social priorities, at may pananagutan.
Sa prosesong ito, naibalik ang public trust. Ipinakita ng Kamara na posible ang responsable at makataong pamamahala kapag malinaw ang prinsipyo at matatag ang proseso, kahit sa panahong inuuna ng pulitika ang taktika kaysa tungkulin.
Ngunit kasabay nito ang mas madilim na konteksto: sumabog sa publiko ang flood-control scandal. Ang pagkabigla ay hindi dahil bago ang alegasyon, kundi dahil sa kumpirmasyon na ang mga proyektong panangga sana ng komunidad ay naging simbolo ng systemic failure at institutional neglect.
Bagamat si Pres. Ferdinand Marcos Jr. ang nag-utos ng imbestigasyon, bumalik pa rin sa kanya ang bigat ng public perception. Nagbanta ang galit ng publiko ng political destabilization, ngunit napigil ito ng realidad—hindi rin tinanggap ng nakararami si Vice President Sara Duterte bilang malinaw na alternatibo.
Sa ganitong vacuum, malinaw ang sentimyento ng publiko: hindi na sapat ang paliwanag o scapegoats—pananagutan ang hinihingi, lalo na para sa mga “big fish.”
Dito pumapasok ang kumpiyansa kay Ombudsman Jesus Crispin Remulla. Walang pag-aalinlangan sa kanyang determinasyon, at tiniyak ko ang buong suporta, kabilang ang pagsusumite ng nationwide list ng anomalous projects na naitala ng RPMD (RPMD Foundation Inc.).
Sa Senado, nararapat ding kilalanin si Sen. Sherwin Gatchalian sa kanyang ambag sa fiscal coherence. Habang papalapit ang 2026 at lalalim ang tunggalian ng mga kampo ng Marcos at Duterte, inaasahan ang pagdami ng fake news at disinformation.
Sa huli, dapat manatiling patas ang hatol ng kasaysayan—lalo na sa pagkilala sa mga social protection programs ni dating House Speaker Martin Romualdez tulad ng TUPAD, AICS, at MAIF.
- Latest
