Editoryal - Luwas nga Pasko

Unyang tungang gabii sa sugaton sa tanang Kristiyano ang adlaw sa pagkatawo sa Batang Hesus.

Ug sama sa naandan sugaton kini sa kasadya ug kalipay sa matag pamilya ug managhigala.

Magsalo sa mga pagkaon ug maglipay lipay. Apan kinahanglang dili magpasagad ug dili magpalabi ilabi na sa pagkaon ug pag- inom.

Kadtong dunay mga gimentinar nga tambal, kinahanglang dili kini kalimtan sa oras.

Samtang dili sab angay mokumpiyansa ang mga ginikanan sa ilang mga anak.

Dili sila tugotan o pasagdan nga magduwa o mogamit og mga pabuto tungod kay peligro kaayo kini.

Ang pabuto pwedeng moresulta sa tibuol kinabuhing pagkaangol o ba kaha kamatayon.

Gikan diri sa Banat News, sugaton unta natong tanan ang Pasko nga luwas, malinawon ug mabulokon.

Maayong Pasko kanatong tanan!