Long-term contract of lease

Dear Atty. Divine,

Nagplano ko nga mag open og water refilling station duol sa merkado. Naa mi nakit-an nga yuta nga amo untang abangan aron maoy among butangan sa water refilling station. Apan ang ako lang concern what if human unya namo nga mapahiluna ang among water refilling station papahawaon mi sa tag-iya sa yuta? Unsa may protection namo niini? Daghang salamat.

Susan

* * *

Dear Susan,

Mas maayo nga sa dili pa mo mosugod sa pagpahimutang sa inyong water refilling station sa yuta nga inyong abangan, kinahanglan nga magpirmahanay mo daan og long-term nga contract of lease. Kun mosugot ang tag-iya sa yuta nga inyong abangan ang ilang lote sud sa napulo or 15 ka tuig mas maayo. Apan kun dili gani mosugot og long term nga kontrata ang tag-iya sa yuta, mas maayo nga mangita mo og laing luna nga mosugot og long-term nga contract of lease aron dili mo maalkanse sa inyong gasto sa pagpatukod og structure alang sa inyong refilling station. Mas maayo sab nga magpahimo gyud ka sa inyong abogado sa contract of lease aron mabutang gyud niini ang tanang terms and conditions alang sa imong protection. Importante sab nga motuman ka sa mga kondisyon nga nalatid sa kontrata sama sa pagbayad sa monthly rent ug uban pang kondisyon aron way magamit nga rason ang tag-iya sa yuta sa pagpapahawa kaninyo. Thank you and God Bless.

Atty. Divine

* * *

Alang sa inyong pangutana, palihug lang sa pag-email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.