Talaan sa kaliwatan

Matag ikaduhang adlaw sa Misa de Gallo atong madungog ang daghan kaayong mga ngalan sa mga lalaki ingon pipila ka mga ngalan sa mga babaye.

Sila kadtong mga kagikanan ug kaliwatan sa atong Ginoong Jesus ang Mesiyas.

Kun atong tan-awon dili hingpit ang gigikanang kaliwat sa atong Ginoo.

Daghan kanila ang nagpuyo sa usa ka salawayon ug masalaypon nga kinabuhi. Daghan kanila ang nakasala ug gani nagluib sa Dios.

Apan bisan pa man niini nitugot ang Dios nga ang iyang Anak magpakatawo ug mosulod sa atong tawhanong kasaysayan.

Kini ang kahulogan sa misteryo sa pagpakatawo sa atong Ginoo.

Ang Dios niambit sa atong pagkaalaut aron kita makaambit sa iyang pagka-Dios. Ingon ana kita niya kamahal. Unsay makuha nato gikan niini?

1. mahinungdnaon kita sa Dios kay niambit man siya sa atong kaalaut.

2. angayan lamang nga atong ipasinati ngadto sa uban ang Diosnong panalangin aron mamahimong buhi ug mahimugso ang Diwang Diosnon dinhi kanato. Butang nga makapadasig ngadto sa uban.

3. Ang Dios mipuyo uban kanato ug angayan lamang nga atong himoon ang atong katilingban nga iyang gingharian dinhi sa yuta.