Mamahimo bang bahinon ang properties sa magtiayon?

Dear Atty. Divine,

Mga 10 years na ming buwag sa  akong asawa apan wa ma-annulled ang among marriage. Duna mi usa ka anak yg duna sab mi house and lot og farm lands nga among napalit during sa among marriage. Gusto unta namo  nga bahinon ang among property aron mag-iyahay na unya mi. Mamahimo ba ni namo nga bahinon pinaagi  sa pagpirmahanay og  kasabutan? Unsay among buhaton aron duna na mi complete separation of properties aron ang iyang property iya ra og ang akong property ako ra sab? Daghang salamat. —Romy

Dear Romy,

Kun wa moy marriage settlements or pre- nuptial agreement nga gipirmahan before sa inyong kaminyuon nga naglatid alang sa separation of property then dili gyud mo makabuot buot og separate sa inyong properties karon bisan kun separated in fact na mo for 10 years. Whatever properties nga inyong  ma-acquire during marriage mamahimo kining conjugal property o gipanag-iya kaninyong diha. Basi  usab sa Article 134 sa atong Family Code kini nagkanayon  nga kun wa gani express declaration ang magtiayon sa ilang marriage settlements, ang separation of properties dili mamahimong ipatuman gawas lang kun dunay judicial order. Sa ato pa, kun gusto ninyong i-separate ang inyong properties kinahanglang moagi kamo sa korte pinaagi sa pag-file og Petition for Separation of Properties. Thank you and God bless. — Atty. Divine

Alang sa inyong pangutana, palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.